EUVP-áætlun Evrópusambandsins (European Union Visitors Program) veitir einstaklingum á aldrinum 25-45 ára í löndum utan ESB tækifæri til heimssækja stofnanir sambandsins í Brussel og Strassborg. Markmiðið er auka tengsl, gagnkvæma þekkingu og skilning.

EUVP-áætlunin er fjármögnuð af Evrópuþinginu og framkvæmdastjórn ESB, sem í sameiningu sjá um framkvæmd heimsókna. Hver heimsókn stendur yfir í 5 til 8 daga og er sniðin að þörfum hvers og eins. ESB greiðir fyrir ferðakostnað og uppihald.

Hverjir geta tekið þátt?

EUVP-heimsóknir eru ætlaðar einstaklingum á aldrinum 25-45 ára sem starfa í stjórnmálum, stjórnsýslu,  hjá fjölmiðlum, hagsmunasamtökum eða við fræðistörf.  Heimsóknirnar eru ekki ætlaðar námsfólki. Æskilegt er að umsækjendur hafi  háskólapróf og nokkurra ára starfsreynslu. Staðgóð þekkingu á Evrópusambandinu er kostur.

Umsóknir og val á umsækjendum fyrir 2011

Allt að þremur umsækjendum frá Íslandi stendur til boða þátttaka í EUVP-áætluninni á árinu 2011. Umsóknum skal skilað inn til sendinefndar ESB á Íslandi í síðasta lagi 15. apríl 2010. Umsóknareyðublöð er hægt að nálgast hjá sendinefndinni.

Sendinefnd ESB á Íslandi tilnefnir þátttakendur úr hópi umsækjenda en endanlegt val er í höndum nefndar undir forsæti fulltrúa frá Evrópuþinginu og framkvæmdastjórnar ESB.

Nánari upplýsingar veita Hulda Skogland og/eða Sveinbjörn Hannesson í síma 599 1066.