30 ára afmæli EES-samningsins var fagnað þann 8. maí með vel sóttu málþingi um EES-samstarfið á Grand hótel og með uppskeruhátíð Evrópuverkefna í Kolaportinu. Um 150 manns sóttu málþingið og nokkur hundruð gesta kynntu sér afrakstur Evrópusamstarfs í Kolaportinu. 30 ára amfælisfögnuðurinn var haldinn í samstarfi við Rannís, utanríkisráðuneytið og háskóla-, iðnaðar- og nýsköpunarráðuneytið.

Nýsköpunarvika 2024 stóð yfir dagana 13. - 17. maí í Kolaportinu og Hafnartorgi. Sendinefnd ESB tók virkan þátt í hátíðinni í ár og hélt m.a. hliðarviðburð um Evrópustyrki og þau tækifæri sem styrkirnir veita íslenskum fyrirtækjum og frumkvöðlum. Sendiherra ESB tók einnig þátt í pallborðsumræðum um fjármögnungartækifæri innan nýsköpunargeirans og opinberar stefnur til að örva nýsköpun.

Arna Dís Heiðarsdóttir lauk starfsnámi sínu hjá Sendinefnd Evrópusambandsins í dag. Sendinefndin þakkar Örnu Dís fyrir góð störf.