European Council

Að minnsta kosti tvisvar á ári koma leiðtogar aðildarríkjanna auk forseta framkvæmdastjórnarinnar saman til funda í leiðtogaráði ESB. Yfirleitt sitja utanríkisráðherrar aðildarríkjanna og einn fulltrúi frá framkvæmdastjórn ESB til viðbótar fundina. Einróma samþykki fulltrúa ríkjanna þarf fyrir ákvörðunum í leiðtogaráðinu.

Leiðtogaráð ESB er mikilvægasti vettvangur ákvarðanatöku og samninga í Evrópusambandinu, jafnvel þó ráðið sé ekki stofnun ESB í lagalegum skilningi. Síðustu tvo áratugi eða svo hafa margar mikilvægustu ákvarðanir um framþróun, innihald og skipulag Evrópusamvinnunar átt sér stað í leiðtogaráðinu – þó þær hafi verið undirbúnar, skilgreindar nánar, settar í löggjöf og framkvæmdar á vegum stofnana ESB (ráðherraráðið, framkvæmdastjórnin, Evrópuþingið og Evrópudómstóllinn). Leiðtogaráðið hefur sífellt látið meira til sín taka í utanríkismálum og dóms- og innanríkismálum. Auk reglulegra funda hittist ráðið, stundum með mjög stuttum fyrirvara, til að fá niðurstöðu í mikilvægum málum og leysa hnúta sem kunna að skapast t.a.m. varðandi fjármögnun ESB, endurskoðun landbúnaðarstefnunnar, stækkun sambandsins o.sfrv.