Nýtt frá ESB 2004

Stutt um ESB: Framkvæmdastjórnin gaf nýlega út upplýsingarit um ESB í vasabroti sem ber heitið „Stutt um ESB”. Stiklað er á stóru og farið yfir 50 ára tímatal sambandsins, helstu stofnanir ESB, EES-samninginn, helstu stefnumál ESB, fjárlög og margt fleira. Vasabrotið hentar þeim sem vilja kynna sér Evrópusambandið á stuttum tíma og hafa við hendina hvar sem er. Hægt er að fá vasabrotsbæklinginn sendan, þér að kostnaðarlausu með því að senda tölvupóst á Írunni Ketilsdóttir, starfsnema, eða hringja í græna númerið 800 8116. Einnig er ógrynni af upplýsingum á íslensku og á ensku á heimasíðu fastanefndarinnar www.esb.is

Stutt um ESB: Þetta þarft þú að vita um stjórnarskrársáttmála ESB: Fastanefndinni er ánægja að kynna leiðarvísi sem ætlaður er til útskýringar á stjórnarskrársáttmála Evrópusambandsins sem leiðtogaráðið samþykkti 17. og 18. júní 2004 og undirritaði í Róm 29. október 2004. Bæklingurinn kallast spurt og svarað um stjórnarskrársáttmála ESB. Þú getur nálgast bæklinginn með því að smella á myndina hér til hliðar.

ESB upplýsingar fyrir unga fólkið: Einnig má minna á að fastanefndin setti nýlega á laggirnar heimasíðu sem sniðin er sérstaklega fyrir unga fólkið. Þar er að finna ýmsa skemmtilega spurningaleiki og fróðleiksmola. Sjá: www.esb.is/ung

Loftmengun – Hver er þín skoðun? Framkvæmdarstjórnin vinnur að því að semja áætlun til að bæta loftgæði í Evrópu. Íbúar EES svæðisins eru beðnir um sínar skoðanir á málinu til þess að hjálpa við stefnumörkun og endanlegt útlit áætlunarinnar.Lesið nánar hér

Flóðin í suðaustur Asíu; Sjávarútvegsráðherrar ESB athuga möguleikann á að senda fiskiskip til flóðasvæðanna: Efsta mál á dagskrá þegar sjávarútvegsráðherrar ESB mættust 24. janúar síðastliðinn var hvernig hægt væri að hjálpa sjávarútvegnum í suð-austur Asíu eftir flóðbylgjurnar 26. desember. Möguleiki er að senda úrelt evrópsk skip og báta til svæðisins. Á eftir ferðamannaiðnaðinum var það sjávarútvegurinn sem varð verst úti í hamförunum. Lesið nánar hér hér

Opinber innkaup aðildarríkja ESB beinlínutengd: Framvkæmdastjórn ESB hefur gefið út aðgerðaráætlun um rafræn opinber innkaup til að aðstoða aðildarríki við innleiðingu nýrrar tilskipunar sem samþykkt var á síðasta ári (2005/15/EC og 2004/17/EC). Markmið áætlunarinnar er að auðvelda fyrirtækjum með tölvu- og internetaðgang að bjóða út verkenfi með rafrænum hætti milli allra aðildarríkjanna. Opinber innkaup innan ESB svara sem nemur 16% af vergri þjóðarframleiðslu og geta því slíkar umbætur orðið gífurlegur akkur fyrir ESB og skilað sér til neytenda og stuðlað að aukinni samkeppni. Það verður áhugavert að fylgjast nánar með framvindu aðgerðaráætlunarinnar.

Evrópuþingið fagnar ESB stjórnarsáttmálanum: Miðvikudaginn 19 janúar 2005 studdi meirihluti Evrópuþingsins stjórnarsáttmála ESB sem mun taka gildi 1. nóvember 2006 ef öll aðildarríki sambandsins staðfesta sáttmálann, annaðhvort af þinginu eða með þjóðaratkvæðagreiðslu. Níu aðildarríki áætla að halda þjóðaratkvæðagreiðslu en aðeins tvö ríki hafa ákveðið dagsetingar, Spánn sem áætlar að halda þjóðaratkvæðagreiðslu þann 20 febrúar næstkomandi og Lúxemborg, þann 10 júlí. Danir og Bretar hafa ákveðið þjóðaratkvæðagreiðslu í upphafi árs 2006 og Frakkar fyrir sumarið 2005 en Pólverjar og Írar hafa ekki ákveðið dagsetningu. Í hinum 11 aðildarríkjum, þ.e. Austuríki, Eistlandi, Finnlandi, Grikklandi, Ítalíu, Kýpur, Lettlandu, Möltu, Slóvakíu, Slóveníu og Svíþjóð, verður ákvörðun um að staðfesta sáttmálann tekin af þjóðþingi hvers ríkis á árinu 2005. Allar upplýsingar um sáttmálann má finna á heimasíðu ESB (http://europa.eu.int) undir linknum “Constitution” og einnig er sáttmálinn fullbúinn birtur í Stjórnartíðindum Evrópubandalaganna (Official Journal C 310, 16. desember 2004).