Innflytjendastefna ESB.
Framkvæmdastjórnin kynnti nýlega tvennar breytingar á innflytjendastefnu ESB. Sú fyrri styrkir mótun nýrrar stefnu ESB um innflytjendamál og sú seinni nær til stjórnar á landamærum efnahagslögsögu ESB. (30/11)
Lesið meira hér.

 

Aðildarviðræður við Tyrki.
Framkvæmdastjórnin hefur lagt fram tillögur að áframhaldandi samningaviðræðum við Tyrkland í kjölfar yfirlýsingar ESB um að  viðræður við Tyrki um hvernig þeir hyggist mæta kröfum um aðild hefðu ekki borið árangur. (29/11)
Lesið meira hér.

 

Umbætur á sykuriðnaðinum.
Mariann Fischer Boel, sem fer með málefni landbúnaðar innan framkvæmdastjórnarinnar, hvatti í vikunni landbúnaðarráðherra ESB landanna sem og aðila innan sykuriðnaðarins til að tryggja að tillögur um endurskipulagningu iðnaðarins nái fram að ganga. Markmiðið er að tryggja heilbrigða samkeppni innan sykuriðnaðarins. (21/11)
Lesið meira hér.
 

Baráttan gegn ólöglegum fiskveiðum.
Framkvæmdastjórnin fagnar áformum North-East Atlantic Fisheries Commission (NEAFC) sem miða að því að berjast gegn ólöglegum fiskveiðum.  Joe Borg, sem fer með málefni sjávarútvegs í framkvæmdastjórninni, segir að samkomulagið muni valda byltingu í barátunni gegn sjóræningjaveiðum. (17/11)
Lesið meira hér.

Tryggari matvæli.
Tillaga framkvæmdastjórnarinnar um aukið matvælaöryggi vegna inngöngu Rúmeníu og Búlgaríu í ESB hefur fengið góðan hljómgrunn hjá aðildarlöndum sambandsins.
Lesið meira hér. (15/11)

Minni skriffinnska leiðir til aukinnar landsframleiðslu.
Framkvæmdastjórnin hefur lagt fram áætlun sem miðar að því að minnka skriffinnsku sem fyrirtæki þurfa að standa í um 25% fyrir árið 2012. Talið er að slík lækkun muni leiða til um 1,5% hækkunar á landsframleiðslu innan ESB. Vonast framkvæmdastjórnin til að þetta átak muni skapa aukar fjárfestingar og fleiri störf innan sambandsins.
Lesið meira hér. (14/11)
 

Nýjar reglur ESB um raforkusölu
Framkvæmdastjórn ESB hefur samþykkt nýjar reglur um sölu á raforku milli landa ESB. Nýju reglurnar eiga að liðka fyrir sölu á rafmagni milli landamæra og auka samvinnu á milli flutningsaðila raforku. Adris Piebalgs, sem fer með orkumál innan framkvæmdastjórnarinnar sagði að með nýju reglunum væri tekið stórt skref í átt að sameiginlegum innri orkumarkaði. (9/11)
Lesið meira hér.
 

Frekari stækkun ESB
Framkvæmdastjórn ESB hefur lagt fram nýja stefnu um framtíðarstækkun Evrópusambandsins og getu þess til að taka inn ný aðildarríki. Megininntakið í stefnunni er að frekari stækkun megi ekki koma niður á getu ESB til að þróa innra samstarf sitt. Stækkun og efling á innra samstarfi verði að geta farið saman. Ennfremur fór fram mat á árangri tilvonandi aðildarríkja í þá átt að mæta skilyrðum um aðild. Niðurstaða matsskýrslu um Tyrkland var t.d. sú að mikilvægar pólitískar umbætur hafi átt sér stað en að áhyggjuefni sé hvað hægst hafi á umbótum að undanförnu.
Lesið meira hér. (8/11)
 

Dýrt að nota farsíma í útlöndum.
Í nýrri skoðanakönnun framkvæmd af Eurobarometer kemur fram að evrópubúar forðast að nota farsíma þegar þeir ferðast til annara evrópulanda vegna hárra gjalda. Meirihluti aðspurðra þótti að ESB ætti að gera eitthvað í málinu
Lesið meira hér. (7/11)
 

Rúmenía hefur tilnefnt nýjan meðlim framkvæmdastjórnarinnar.
Forseti framkvæmdastjórnarinnar, José Manuel Barroso, kynnti í dag Leonard Orban sem mun taka sæti í framkvæmdastjórninni á næsta ári. Orban er ráðherra í Rúmeníu og hefur haft umsjón með inngöngu Rúmeníu inn í ESB. Orban mun fara með málefni fjöltyngis innan framkvæmdastjórnarinnar.
Lesið meira hér. (01/11)
 

Málþing um stjórnun veraldarvefsins.
Fyrsta málþing IGF (Internet Governance Forum) var sett í dag í Aþenu. Framkvæmdastjórnin hefur gefið IGF fullan stuðning sinn og bendir á að veraldarvefurinn er lýðræðinu mikilvægt og stuðlar að efnahagslegri velferð. Veraldarvefurinn getur hins vegar eingöngu sinnt þessu hlutverki ef málfrelsi og rétturinn til að finna og taka á móti upplýsingum er varðveittur.
Lesið meira hér. (30/10)
 

Barroso kynnir nýjasta meðlim framkvæmdastjórnarinnar.
Ráðherra evrópumála í Bulgaríu, Meglena Kuneva verður næsti meðlimur framkvæmdarstjórnarinnar og mun hún fara með  málefni neytendaverndar. Hún mun taka embætti í janúar næstkomandi eða á sama tíma og Búlgaría  gengur inn í ESB.
Lesið meira hér. (26/10)

 

Framkvæmdastjórnin vill banna útflutning á kvikasilfri.
Framkvæmdastjórnin hefur lagt fram lagafrumvarp sem miðar af að banna allan útflutning á kvikasilfri frá löndum ESB. Bannið á að taka gildi um mitt ár 2011 og miðar að því að minnka heimsframboð á kvikasilfri. Kvikasilfur er eiturefni sem getur verið skaðlegt mönnum sem og umhverfinu.
Lesið meira hér. (26/10)


Samið um kvóta í Eystrasalti.
Sjávarútvegsráðherrar ESB ríkja hafa náð samkomulagi um kvóta í Eystrasalti fyrir árið 2007. Samkomulagið kveður meðal annars á um færri veiðidaga, minni kvóta á þorski og hert eftirlit með veiðum.
Lesið meira hér. (25/10)

 

Framkvæmdastjórnin harmar ákvörðun Íslendinga um að hefja atvinnuhvalveiðar að nýju.
Stavros Dimas, sem fer með umhverfismál, og Joe Borg sem fer með sjávarútvegsmál, innan framkvæmdastjórnarinnar sendu frá sér sameiginlega yfirlýsingu það sem þeir hvetja Íslendinga til að endurskoða ákvörðun sína.
Lesið meira hér. (20/10)

 

Rannsóknarverkefni gegn hryðjuverkum.
Framkvæmdastjórnin hefur ákveðið að veita 15 milljónum evra í rannsóknir sem hjálpað geta í baráttunni gegn hryðjuverkum. Fjárhæðinni verður veitt til  fimmtán rannsóknarverkefna. Eitt verkefnanna miðar að því að betur greina sprengiefni, þar með talið sprengiefni í vökvaformi. Annað verkefni miðar að betri vörnum vatnsbóla gegn efnavopnaárásum. (14/10)
Lesið meira hér.

UPP