Fréttir frá ESB   Fréttabréf fastanefndar framkvæmdastjórnar ESB gagnvart Íslandi og Noregi,  10. - 22. nóvember 2007

Alþjóðasamstarf Leiðtogafundur ríkja ESB og ASEAN 21. nóvember Tilefni fundarins var 30 ára afmæli formlegs samstarfs ESB og Sambands Suðaustur-Asíuríkja (ASEAN). Á fundinum var røtt hvernig efla megi samstarf ESB og ASEAN. Af tilefni fundarins sagði José Manuel Barroso forseti framkvæmdastjórnar ESB: ,,Ég tel nánari samvinnu ESB og ASEAN sem og samvinnu ASEAN ríkjanna innbyrðis, afar æskilega." Þess má geta að ASEAN ríkin hyggjast koma á sameiginlegum markaði sín á milli árið 2015 og fyrr á þessu ári hófust viðræður um fríverslunarsamning milli ríkja ESB og ASEAN. Lesið meira hér. (20/11)

Stækkun Schengen samstarfsins Aðildarríkjum Schengen samstarfsins fjölgar Innanríkisráðherrar ESB ákváðu á fundi sínum þann 8. nóvember að veita 9 ríkjum aðild að Schengen samstarfinu. Þessi ríki eru: Tékkland, Eistland, Ungverjaland, Lettland, Litháen, Malta, Pólland, Slóvakía og Slóvenía. Landamæri Schengen ríkjanna á landi og sjó opnast fyrir nýju aðildarríkjunum frá og með desember næstkomandi en landamæraeftirlit á flugvöllum verður afnumið í mars 2008. Einnig er gert ráð fyrir því að innan skamms muni Búlgaría, Rúmenía, Kýpur og Sviss taka fullan þátt í samstarfinu. (10/11) Lesið meira hér

Hjálparstarf   Neyðaraðstoð send til fórnarlamba fellibylsins í Bangladess Í kjölfar fellibylsins Sidr sem gekk á land í Bangladess 15. nóvember síðastliðinn var send neyðaraðstoð að virði 1,5 milljónum evra. Framkvæmdastjórnin hefur þegar sent sérfræðinga á sviði neyðaraðstoðar til Bangladess. Að þeirra sögn ríkir mikil neyð í landinu.  Talið er að um 280 þúsund manns hafi misst heimili sín af völdum fellibylsins. Þá hefur talsvert af uppskeru eyðilagst og búfé farist. Til þess að draga úr líkum á hungursneyð og smitsjúkdómum hyggst framkvæmdastjórnin verja 5 milljónum til viðbótar í kaup á hreinu vatni, matvælum og klæðnaði auk annarra nauðsynja. (20/11) Lesið meira hér.

Vísindi Evrópa er í fremstu röð á sviði nanótækni Haldin var ráðstefna í Braga, Portúgal, um framtíð nanótækni. Þar munu koma saman fulltrúar atvinnulífs, stjórnsýslu og vísinda. Mikið er lagt upp úr samstarfi opinberra aðila og einkaaðila í rannsóknum á nanótækni og er framkvæmdastjórn ESB stærsti fjárfestir heims á þessu sviði. Fulltrúar framkvæmdastjórnarinnar á ráðstefnunni verða Viviane Reding framkvæmdastjóri upplýsingasamfélagsins og Janez Potočnik framkvæmdastjóri þekkingar og rannsókna. Lesið meira hér (21/11)

Innri markaður ESB Hagsmunir neytenda og lítilla fyrirtækja settir í forgang José Manuel Barroso kynnti hugmyndir framkvæmdastjórnarinnar um framtíð innri markaðar ESB. Lagt er til að hagsmunir neytenda og smáfyrirtækja verði settir í forgang. Til þess að svo verði er m.a. lagt til að fylgst verði með því hversu vel aðildarríki tryggi réttindi neytenda. Löndunum verður gefin stig fyrir frammistöðu sína, þannig að auðveldara verður að bera saman stöðu neytenda og samkeppnismála milli ríkja ESB. Einnig verður gert átak í að upplýsa neytendur um réttindi þeirra. Markmiðið er að sem flestir njóti þess ávinnings sem hnattvæðing hefur stuðlað að. Lesið meira hér. (20/11)

Samstarf ESB og Ísraels í flugmálum Framkvæmdastjórnin mun á næstunni hefja viðræður við stjórnvöld í Ísrael um samstarf á sviði flugmála. Samstarfið felur í sér að komið verði á sameiginlegu flugsvæði, dregið verði úr markaðshindrunum og lagaumhverfi ESB og Ísraels á þessu sviði samræmt. Þetta er liður í nágrannastefnu ESB og áætlun um að skapa sameiginlegt flugumferðarsvæði með ríkjum sunnan og austan við ESB fyrir árið 2010. Lesið meira hér. (20/11)

Nýtt lagaumhverfi ferðaskrifstofa mun auka samkeppni Framkvæmdastjórnin hefur lagt til að reglur um rafræn bókunarkerfi flugmiða skuli gerðar einfaldari og nútímalegri. Framvegis mega flugfélög og ferðaskrifstofur semja sín á milli um gjald fyrir bókun farmiða, ólíkt því sem má við núgildandi reglur sem eru tveggja áratuga gamlar. Einnig verður þess gætt að eigendur bókunarkerfa misnoti ekki markaðsaðstöðu sína. Vonast er til að þessar nýju reglur stuðli að aukinni samkeppni farþegum til hagsbóta. Lesið meira hér. (15/11)

Hvernig hefur innri markaður ESB nýst Evrópubúum? Meðal þeirra atriða sem sameiginlegur innri markaður ESB hefur stuðlað að eru:    -Aukin stærðarhagkvæmni fyrirtækja og aukin samkeppni.    -Auknir möguleikar fólks til að búa og starfa í öðrum ríkjum ESB    -Tollfrjáls viðskipti milli ríkja ESB. Lesið meira hér. (15/11)

Vilja sameiginlegan fjarskiptamarkað Framkvæmdastjórnin hefur kynnt tillögur um sameiginlegan fjarskiptamarkað. Tilgangurinn er að neytendur ESB njóti góðs af aukinni samkeppni í formi lægra vöruverðs, meira vöruúrvals og betri þjónustu. Tillögurnar munu m.a. auðvelda aðgengi fyrirtækja að mörkuðum allra ríkja ESB og efla sjálfstæði samkeppniseftirlitsaðila gagnvart hinu opinbera. Lesið meira hér. (13/11)

Landbúnaður   Endurskoðun landbúnaðarstefnu ESB Í dag kynnti framkvæmdastjórnin niðurstöður endurskoðunar sameiginlegri landbúnaðarstefnu ESB. Unnið var m.a. út frá reynslunni af breytingum á landbúnaðarstefnu ESB frá árinu 2003. Ein þeirra hugmynda sem kynnt var felst í því að bændur þurfi að eiga stærra land en áður til þess að eiga kost á opinberum styrkjum. Lesið meira hér. (20/11)

Menntamál Ný skýrsla um laun fræðimanna Fræðimenn sem sinna rannsóknum í ríkjum ESB fá lægri laun að meðaltali en starfsbræður þeirra í Bandaríkjunum, Japan, Ástralíu og Indlandi samkvæmt skýrslu sem unnin var fyrir framkvæmdastjórnina. Þó kemur fram að launamunur milli ríkja ESB er mjög mikill. Athygli vekur að reynsla fræðimanna hefur mismikil áhrif á laun þeirra. Danskur fræðimaður má búast við 90% launahækkun eftir ákveðið langt rannsóknarstarf en í Bretlandi er hækkunin yfir sama tímabil allt að 335%. Lesið meira hér. (12/11) Lesið skýrsluna hér.

Efnahagsmál   Mánaðarleg verðbólga í október var 2,6% á ársgrundvelli Samkvæmt reglulegum mælingum Eurostat var mánaðarleg verðbólga í ríkjum ESB í október 0,5% sem jafngildir 2,6% á ársgrundvelli. Það er aukning frá því í september en þá mældist verðbólgan 2,2%. Miðað við sama tíma í fyrra (október 2006) er einnig um aukningu að ræða því þá var verðbólgan 1,8%. Lægst mældist verðbólgan á Möltu (0,3%) en hæst í Lettlandi (8,9%). (15/11) Lesið meira hér.

Peningagreiðslur innflytjenda til heimalanda sinna árið 2006 Innflytjendur sem vinna í einhverju af ríkjum ESB sendu alls 26 milljarða evra til heimalanda sinna. Þar af fóru 19 milljarðar til landa utan ESB. Mest var sent til ríkja í Afríku (7,6 millj.), Evrópu utan ESB (5,0 millj.), Suður Ameríku (2,9 millj.) og Asíu (2,4 millj.) Lesið meira hér. (13/11)

Ókeypis útgefið efni Skóladagbók fyrir skólaárið 2007-2008 Meginviðfangsefni skóladagbókarinnar eru neytendamál. Bókin hentar best ungu fólki á aldrinum 15-18 ára og inniheldur hún ýmsan fróðleik um t.d. auglýsingar og hvernig hægt sé að verða betur meðvitaður sem neytandi. Einnig er fáanleg handbók ætluð kennurum. Skóladagbókin er á ensku og hægt er að sjá hana á pdf formi hér. Dagbókin er ókeypis en hægt er að panta hana með því að smella hér.

Með ESB í vasanum Bæklingurinn „Með ESB í vasanum" hefur nú verið uppfærður og endurútgefinn. Bæklingurinn er bæði stuttur og hnitmiðaður og veitir t.d. upplýsingar um stofnanir ESB, ákvarðanatöku, nýja ESB sáttmálann ásamt því að segja frá helstu málefnasviðum sem ESB fæst við. Hægt er að hlaða niður bæklingnum með því að smella hér. Einnig er hægt að fá hann sendan með því að senda okkur póst.

Stutt um ESB Nýjasti bæklingur fastanefndarinnar ber heitið, Stutt um Evrópusambandið, og útskýrir hann á einfaldan og aðgengilegan hátt allar mikilvægustu stofnanir ESB og hvernig ákvarðanataka í ESB fer fram. Hægt er að hlaða niður bæklingnum hér (PDF skjal, um 3 mb). Einnig er hægt að fá bæklinginn sendan með því að senda okkur póst.

Útgáfur á öðrum tungumálum Hægt er að smella hér og panta eftirfarandi bæklinga, ásamt fleira efni.   Europe in 12 lessons Fjórða útgáfan af þessum kynningarbæklingi um Evrópusambandið, skrifað af Pascal Fontaine. Bæklingurinn gefur góða yfirsýn yfir flesta þætti ESB, allt frá „Af hverju ESB” til „Evrópa í framtíðinni”. Bæklingurinn er á ensku.     50 ways forward - Europe's best successes Þessi bæklingur var gefinn út í tilefni af 50 ára afmæli Rómarsáttmálans. Bæklingurinn hefur að geyma 50 sögur um hvernig fólk hefur notið góðs af Evrópusamrunanum og hvernig aukin Evrópusamvinna mun gagnast fólki í framtíðinni. Bæklingurinn er 50 síður og fáanlegur á ensku.   Europe and you in 2006/EU og dig i 2006 Hér eru gefin 10 góð dæmi um hvernig Evrópusambandið hefur á árinu 2006 náð sínum markmiðum til að auka félagslega og efnahagslega velferð innan sambandsins Bæklingurinn er fáanlegur á dönsku og ensku.     This is your Europe Bæklingur og plakat byggt á „Panorama bæklingnum”. Hér er starfsemi og markmið ESB útskýrð. Fáanlegur á dönsku og ensku.   In touch with the EU - Ask your questions - have your say Nýr bæklingur sem útskýrir hvernig best sé að nálgast upplýsingar um ESB kerfið og stofnanir ESB. Bæklingurinn er 14 síður og er á ensku.     Fisheries and aquaculture in Europe Í þessum bæklingi er bent á mikilvægi þess að draga úr hlutfalli smáfisks í afla og hvernig koma megi í veg fyrir brottkast, en áætlað er að 10-60% afla innan ESB sé kastað burt. Hér má því lesa hvernig Evrópusambandið hyggst takast á við þennan alvarlega vanda.   One currency for one Europe: The road to the euro Hér er viðfangsefnið eðli og þróun Efnahags- og myntbandalags Evrópu (EMU), allt frá árinu 1957. Sérstaklega er fjallað um tilkomu evrunnar sem sameiginlegs gjaldmiðils. Þá er skoðað hvaða skilyrði ríki þurfi að uppfylla til að geta tekið upp evru.

ISSN 1504-16 Fastanefnd framkvæmdastjórnar Evrópusambandsins, Haakon VII gate 10, P.Box. 1643 Vika, N-0119 Osló, Noregi. Grænt númer: 800 8116. Sími: (+47) 22 83 35 83. Bréfsími: (+47) 22 83 40 55.  Tölvupóstur: europakommisjonen@ec.europa.eu www.esb.is