Fréttir frá ESB   Fréttabréf fastanefndar framkvæmdastjórnar ESB gagnvart Íslandi og Noregi,  26. október - 9. nóvember 2007

Stækkun ESB Framkvæmdaáætlun um stækkun ESB Framkvæmdastjórnin hefur lagt fram árlega framkvæmdaáætlun sína um stækkun ESB. Í henni er gerð sérstök úttekt á hverju umsóknarríki fyrir sig. Niðurstaðan er sú að ríkjunum á vestanverðum Balkanskaga miði vel áfram með þær breytingar sem ESB gerir kröfu um þó nokkur munur sé á milli þeirra. Undirbúningsvinna Tyrklands fyrir aðild að ESB er á réttri leið en þó þarf að sinna betur tjáningar-, athafna- og trúfrelsi. Lesið meira hér. (06/11)

Hjálparstarf   ESB mun verja 5 milljónum evra vegna fellibylsins Felix Fellibylurinn Felix reið yfir Níkaragúa 4. september síðastliðinn. Strax í kjölfar fellibylsins sendi framkvæmdastjórn ESB eina milljón evra í neyðaraðstoð. Nú tveim mánuðum síðar er ljóst að eyðilegging fellibylsins var meiri en fyrr var talið. Talið er að um 200.000 manns hafi misst allt sitt í fellibylnum. Þess vegna ákvað framkvæmdastjórnin að verja 5 milljónum evra til viðbótar vegna hjálparstarfsins í Níkaragúa. Peningunum verður aðallega varið til þess að útvega hreint drykkjarvatn og í að byggja upp klóakkerfi. Lesið meira hér. (07/11)

ESB hjálpar fórnarlömbum flóðanna í Víetnam Framkvæmdastjórnin hefur ákveðið að verja tveimur milljónum evra til að fjármagna kaup á helstu nauðsynjum svo sem hreinu drykkjarvatni og teppum fyrir um 200.000 fórnarlömb flóðanna í norður- og miðhluta Víetnam. Haft verður samstarf við alþjóðlegar hjálparstofnanir og Rauða krossinn við kaup og dreifingu hjálpargagnanna.  Lesið meira hér. (06/11)

Lagaumhverfi ESB   Nýr Lugano sáttmáli undirritaður í dag Í dag verður undirritaður í bænum Lugano í Sviss nýr sáttmáli sem fjallar um lögsögu dómstóla og um fullnustu dóma á sviði einkaréttar og viðskiptaréttar. Þessi sáttmáli mun leysa af hólmi hinn eldri Lugano sáttmála frá 1988. Lesið meira hér. (30/10)

Öryggismál Nýjar aðgerðir til að draga úr hryðjuverkaógn Meðal þess sem tillögurnar fela í sér er að refsivert verður að þjálfa hryðjuverkamenn og að hvetja til að hryðjuverka. Einnig er lagt til að auðveldara verði fyrir lögreglu að koma á samstarfi við internetþjónustur. Þá er lagt til að upplýsingar sem flugfélög hafa um flugfarþega verði aðgengilegar fyrir opinberar eftirlitsstofnanir. Þó verður þess gætt að persónuupplýsingar verði ekki misnotaðar. (06/11) Lesið meira hér.

Umhverfismál Evrópskir þróunardagar: Áhrif loftslagsbreytinga á fátæk ríki ,,Stærsta áskorunin sem mannkyn stendur nú frammi fyrir eru loftslagsbreytingar" sagði Jose Manuel Barroso í opnunarræðu sinni. Þá kom fram í máli Louis Michel, framkvæmdastjóra þróunaraðstoðar og mannúðarmála, að ESB sé í fremstu röð á heimsvísu hvað varðar þróunaraðstoð. Einnig hefur verið unnið að því að þróun í fátækum ríkjum sem og aukin utanríkisviðskipti við þau, séu í samræmi við umhverfissjónarmið. Lesið meira hér. (07/11) Heimasíða hinna evrópsku þróunardaga.

Ríki ESB og fylki í Bandaríkjunum stofna samtök gegn hlýnun jarðar Nokkur ríki ESB eru stofnaðilar að nýjum samtökum sem ætlað er að vera vettvangur þar sem ríkisstjórnir aðildarríkjanna geta miðlað reynslu sinni af mismunandi aðferðum við að draga úr losun gróðurhúsalofttegunda. Einnig munu ríkin bera saman bækur sínar hvað varðar reglur um viðskipti með losunarkvóta á gróðurhúsalofttegundum. Níu aðildarríki ESB eru meðlimir í hinum nýju samtökum, þar á meðal Þýskaland, Bretland, Frakkland, Ítalía og Spánn. Aðrir meðlimir samtakanna eru nokkur fylki í Bandaríkjunum, m.a. Arizona, Kalifornía og New York. Þá eru Kanada, Nýja-Sjáland og Noregur einnig aðilar að samstarfinu. Lesið meira hér. (29/10) Heimasíða samtakanna.

EES ríkin verða hluti af evrópskum markaði fyrir viðskipti með losunarkvóta. Vegna tilskipunar framkvæmdastjórnarinnar nr. 2003/87/EC verða EES löndin hluti af sameiginlegum evrópskum markaði fyrir viðskipti með kvóta á losun koltvísýrings. Alls eru því 30 lönd aðilar að þessum markaði þ.e. öll 27 aðildarríki ESB auk Íslands, Noregs og Liechtenstein. Lesið meira hér (26/10) Upplýsingasíða um viðskipti með losunarkvóta.

Efnahagsmál Aukinn hagvöxtur í ESB Árið 2006 var hagvöxtur í ESB 3%. Framleiðniaukning fyrir hvern starfsmann var 1,5% árið 2006. Atvinnuþátttaka jókst um 1,6% árið 2006. Til samanburðar var framleiðniaukningin 1,2% að meðaltali á ári árunum 2000 - 2005. Á sama tímabili var meðalvöxtur atvinnuþátttöku 0,5% á ári. Lesið meira hér. (05/11)

Atvinnuleysi á undanhaldi í ESB Atvinnuleysi í ESB mældist 7,0% í september 2007 en var 8,0% á sama tíma í fyrra. Mesta lækkun atvinnuleysis á tímabilinu var í Póllandi, þar fór atvinnuleysið úr 12,9% í 8,8%. Minnsta atvinnuleysið er í Hollandi (3,1%) en hæst í Slóvakíu (11,1%). Atvinnuleysi meðal fólks yngra en 25 ára hefur einnig minnkað. Er nú 15,1% en var 16,9%. Atvinnuleysi í þessum aldursflokki er lægst í Hollandi (5,6%) en hæst í Grikklandi (22,9%). (31/10) Lesið meira hér.

Ókeypis útgefið efni Skóladagbók fyrir skólaárið 2007-2008 Meginviðfangsefni skóladagbókarinnar eru neytendamál. Bókin hentar best ungu fólki á aldrinum 15-18 ára og inniheldur hún ýmsan fróðleik um t.d. auglýsingar og hvernig hægt sé að verða betur meðvitaður sem neytandi. Einnig er fáanleg handbók ætluð kennurum. Skóladagbókin er á ensku og hægt er að sjá hana á pdf formi hér. Dagbókin er ókeypis en hægt er að panta hana með því að smella hér.

Með ESB í vasanum Bæklingurinn „Með ESB í vasanum" hefur nú verið uppfærður og endurútgefinn. Bæklingurinn er bæði stuttur og hnitmiðaður og veitir t.d. upplýsingar um stofnanir ESB, ákvarðanatöku, nýja ESB sáttmálann ásamt því að segja frá helstu málefnasviðum sem ESB fæst við. Hægt er að hlaða niður bæklingnum með því að smella hér. Einnig er hægt að fá hann sendan með því að senda okkur póst.

Stutt um ESB Nýjasti bæklingur fastanefndarinnar ber heitið, Stutt um Evrópusambandið, og útskýrir hann á einfaldan og aðgengilegan hátt allar mikilvægustu stofnanir ESB og hvernig ákvarðanataka í ESB fer fram. Hægt er að hlaða niður bæklingnum hér (PDF skjal, um 3 mb). Einnig er hægt að fá bæklinginn sendan með því að senda okkur póst.

Útgáfur á öðrum tungumálum Hægt er að smella hér og panta eftirfarandi bæklinga, ásamt fleira efni.   Europe in 12 lessons Fjórða útgáfan af þessum kynningarbæklingi um Evrópusambandið, skrifað af Pascal Fontaine. Bæklingurinn gefur góða yfirsýn yfir flesta þætti ESB, allt frá „Af hverju ESB” til „Evrópa í framtíðinni”. Bæklingurinn er á ensku.     50 ways forward - Europe's best successes Þessi bæklingur var gefinn út í tilefni af 50 ára afmæli Rómarsáttmálans. Bæklingurinn hefur að geyma 50 sögur um hvernig fólk hefur notið góðs af Evrópusamrunanum og hvernig aukin Evrópusamvinna mun gagnast fólki í framtíðinni. Bæklingurinn er 50 síður og fáanlegur á ensku.   Europe and you in 2006/EU og dig i 2006 Hér eru gefin 10 góð dæmi um hvernig Evrópusambandið hefur á árinu 2006 náð sínum markmiðum til að auka félagslega og efnahagslega velferð innan sambandsins Bæklingurinn er fáanlegur á dönsku og ensku.     This is your Europe Bæklingur og plakat byggt á „Panorama bæklingnum”. Hér er starfsemi og markmið ESB útskýrð. Fáanlegur á dönsku og ensku.   In touch with the EU - Ask your questions - have your say Nýr bæklingur sem útskýrir hvernig best sé að nálgast upplýsingar um ESB kerfið og stofnanir ESB. Bæklingurinn er 14 síður og er á ensku.     Fisheries and aquaculture in Europe Í þessum bæklingi er bent á mikilvægi þess að draga úr hlutfalli smáfisks í afla og hvernig koma megi í veg fyrir brottkast, en áætlað er að 10-60% afla innan ESB sé kastað burt. Hér má því lesa hvernig Evrópusambandið hyggst takast á við þennan alvarlega vanda.   One currency for one Europe: The road to the euro Hér er viðfangsefnið eðli og þróun Efnahags- og myntbandalags Evrópu (EMU), allt frá árinu 1957. Sérstaklega er fjallað um tilkomu evrunnar sem sameiginlegs gjaldmiðils. Þá er skoðað hvaða skilyrði ríki þurfi að uppfylla til að geta tekið upp evru.

ISSN 1504-16 Fastanefnd framkvæmdastjórnar Evrópusambandsins, Haakon VII gate 10, P.Box. 1643 Vika, N-0119 Osló, Noregi. Grænt númer: 800 8116. Sími: (+47) 22 83 35 83. Bréfsími: (+47) 22 83 40 55.  Tölvupóstur: europakommisjonen@ec.europa.eu www.esb.is