Fréttir frá ESB   Fréttabréf fastanefndar framkvæmdastjórnar ESB gagnvart Íslandi og Noregi, 27. ágúst - 12. september

ESB á alþjóðavettvangi Kynjajafnrétti í þágu friðar og framþróunar Tekist hefur að koma á samstarfi milli framkvæmdastjórnar ESB, Þróunarsjóðs Sameinuðu þjóðanna fyrir konur og Alþjóðavinnumálastofnunarinnar um kynjajafnrétti í þágu friðar og framþróunar. Lesið meira hér (11/09)

Fordæming á morði á tveimur sómölskum blaðamönnum Embætti portúgölsku formennskunnar hefur fyrir hönd Evrópusambandsins fordæmt morð á tveimur sómölskum blaðamönnum og undirstrikar ESB stuðning sinn við þá sem berjast fyrir málfrelsi. Lesið meira hér (28/08)

Umhverfismál   Fuglaflensa í Þýskalandi Fundist hefur fuglaflensa á bæ í Þýskalandi. Bærinn liggur í Bæjaralandi og eru þar um 170 000 endur. Þýsk yfirvöld hafa  þegar gert framkvæmdastjórninni grein fyrir þessu og gripið til aðgerða. Lesið meira hér (27/08)

Starfsemi ESB Ársskýrsla framkvæmdastjórnarinnar um fólksflutninga og aðlögun Í skýrslunni eru skoðuð málefni innflytjenda frá löndum utan Evrópusambandsins og aðlögun þeirra. Einnig er lagt mat á opinbera stefnumótun hvers aðildarríkis fyrir sig í þessum málaflokki. Lesið meira hér. (12/09) Hægt er að nálgast skýrsluna hér

Samgöngur Nýuppfærður svartur listi yfir flugfélög Baráttan fyrir auknu flugöryggi heldur áfram. Til þess að tryggja öryggi flugfarþega hefur framkvæmdastjórn ESB búið til sérstakan lista yfir flugfélög sem ekki standast lágmarkskröfur um flugöryggi. Þetta er í fimmta skiptið sem listinn er endurskoðaður. Svarta listann má finna hér (11/09)

Evrópuþingið skorar á framkvæmdastjórnina að endurskoða takmarkanir á vökva í handfarangri flugfarþega Nú hefur Evrópuþingið samþykkt ályktun þess efnis að skora á framkvæmdastjórnina að aflétta núverandi takmarkanir á vökva í handfarangri flugfarþega nema að fram komi ný gögn sem sýni fram á nauðsyn takmarkana. Einnig kemur fram í ályktuninni að öryggisráðstafanir í flugi gegn hryðjuverkum séu nauðsynlegar en þurfi þó að vera í réttu hlutfalli við ógnina. Mikill meirihluti þingmanna studdi þessa ályktun. Alls greiddu 464 þingmenn atkvæði með henni, 158 greiddu á móti henni og 70 sátu hjá. Lesið meira hér (05/09)

Sjávarútvegur Nauðsynlegt að skera niður aflaheimildir í Eystrasalti Framkvæmdastjórn ESB hefur lagt fram tillögur um aflaheimildir í Eystrasalti fyrir árið 2008. Fram kemur í tillögunum að ástæða sé til að hafa áhyggjur af ofveiði á flestum svæðum í Eystrasalti og ráðleggja vísindamenn að skorið verði niður í veiðum. Lesið meira hér (03/09)

Öryggismál Auknu fé varið í baráttuna gegn hryðjuverkum Í dag, sex árum eftir hryðjuverkaárásirnar í Bandaríkjunum tilkynnti framkvæmdastjórn ESB áform sín um að stórauka fjárveitingar til rannsóknarverkefna sem hafa það að markmiði að minnka líkur á hryðjuverkum. Alls eru verkefnin 44 talsins og áætlaður heildarkostnaður vegna þeirra eru 156 milljónir evra. Lesið meira hér (11/09)

Efnahagsmál Efnahagshorfur ESB: Ögn minni hagvexti spáð en í vor Samkvæmt nýrri bráðabyrgðaspá framkvæmdastjórnar ESB mun hagvöxtur fyrir árið 2007 vera 2,8% sem er 0,1% minna en fyrri spár gerðu ráð fyrir. Þá er spáð 2,2% verðbólgu fyrir sama tímabil. Ef aðeins er litið til evrusvæðisins þá er spáð 2,5% hagvexti en 2,0% verðbólgu. Einnig má geta þess að atvinnuleysi er á undanhaldi innan ESB og á evru svæðinu. Þar er hlutfall atvinnuleysis komið niður í 7% en það hefur ekki verið svo lágt frá því snemma á níunda áratug síðustu aldar. Lesið meira hér (12/09)

Staðreyndir og goðsagnir um fjármál Evrópusambandsins Hér er að finna útlistun og leiðréttingar á ýmsum útbreiddum staðreyndavillum sem varða til dæmis endurskoðun, stærð og útgjaldaliði fjárlaganna og lýðræðishalla ESB. Lesið meira hér (12/09)

Kostnaður við vinnuafl eykst Á öðrum ársfjórðungi 2007 hefur kostnaður á hverja klukkustund vinnuafls innan ESB hækkað um 3,2%. Á evrusvæðinu var aukningin nokkuð lægri eða 2,5%. Í þessum tölum er tekið tillit til bæði launakostnaðar sem og annars tilfallandi kostnaðar. Lesið meira hér (12/09)

Innri markaðurinn Nýja farsímareglugerðin: Flestir með nýja gjaldskrá Framkvæmdastjórn ESB hefur opnað heimasíðu þar sem hægt er að fylgjast hvernig farsímafyrirtæki í aðildarríkjum ESB hafa brugðist við nýrri reglugerð ESB sem kveður á um lækkun gjalds fyrir farsímahringingar milli landa. Reglugerðin tók gildi 1. júlí sl. Flest fyrirtæki hafa lækkað gjaldskrá sína en enn eru nokkrir „svartir sauðir˝. Lesið meira hér (02/08)

Vilja öflugri efnaiðnað í Evrópu Í dag setti framkvæmdastjórn ESB á laggirnar nefnd sem hefur það hlutverk að rannsaka stöðu og samkeppnishæfni efnaiðnaðar í Evrópu gagnvart keppinautum víðsvegar um heim. Fulltrúar frá bæði hinu opinbera og einkageiranum skipa nefndina. Henni er ætlað að skila af sér niðurstöðum og ráðleggingum varðandi opinbera stefnumótun í þessum málaflokki. Lesið meira hér (10/09)

Menntun og menning Skóladagbók fyrir skólaárið 2007-2008 Meginviðfangsefni og þema skóladagbókarinnar eru neytendamál. Bókin hentar best ungu fólki á aldrinum 15-18 ára og inniheldur hún ýmsan fróðleik um t.d. auglýsingar og hvernig hægt sé að verða betur meðvitaður sem neytandi. Einnig er fáanleg handbók ætluð kennurum. Skóladagbókin er á ensku og hægt er að sjá hana á pdf formi hér. Dagbókin er ókeypis en hægt er að panta hana með því að smella hér.

Ókeypis útgefið efni Nýr bæklingur kominn út Bæklingurinn „Með ESB í vasanum" hefur nú verið uppfærður og endurútgefinn. Bæklingurinn er bæði stuttur og hnitmiðaður og veitir t.d. upplýsingar um stofnanir ESB, ákvarðanatöku, nýja ESB sáttmálann ásamt því að segja frá helstu málefnasviðum sem ESB fæst við. Hægt er að hlaða niður bæklingnum með því að smella hér. Einnig er hægt að fá hann sendan með því að senda okkur.

Nýjasti bæklingur fastanefndarinnar ber heitið, Stutt um Evrópusambandið, og útskýrir hann á einfaldan og aðgengilegan hátt allar mikilvægustu stofnanir ESB og hvernig ákvarðanataka í ESB fer fram. Hægt er að hlaða niður bæklingnum hér (PDF skjal, um 3 mb). Einnig er hægt að fá bæklinginn sendan með því að senda okkur póst.

Útgáfur á öðrum tungumálum Hægt er að smella hér og panta eftirfarandi bæklinga, ásamt fleira efni   Europe in 12 lessons Fjórða útgáfan af þessum kynningarbæklingi um Evrópusambandið, skrifað af Pascal Fontaine. Bæklingurinn gefur góða yfirsýn yfir flesta þætti ESB, allt frá „Af hverju ESB” til „Evrópa í framtíðinni”. Bæklingurinn er á ensku     50 ways forward - Europe's best successes Þessi bæklingur var gefinn út í tilefni af 50 ára afmæli Rómarsáttmálans. Bæklingurinn hefur að geyma 50 sögur um hvernig fólk hefur notið góðs af evrópusamrunanum og hvernig aukin Evrópusamvinna mun gagnast fólki í framtíðinni. Bæklingurinn er 50 síður og fáanlegur á ensku   Europe and you in 2006/EU og dig i 2006 Hér eru gefin 10 góð dæmi um hvernig Evrópusambandið hefur á árinu 2006 náð sínum markmiðum til að auka félagslega og efnahagslega velferð innan sambandsins Bæklingurinn er fáanlegur á dönsku og ensku     This is your Europe Bæklingur og plakat byggt á „Panorama bæklingnum”. Hér er starfsemi og markmið ESB útskýrð. Fáanlegur á dönsku og ensku   In touch with the EU - Ask your questions - have your say Nýr bæklingur sem útskýrir hvernig best sé að nálgast upplýsingar um ESB kerfið og stofnanir ESB. Bæklingurinn er 14 síður og er á ensku.

ISSN 1504-16 www.esb.is