Fréttabréf fastanefndar framkvæmdastjórnar ESB gagnvart Íslandi og Noregi,   17. apríl 2008

Verðbólga eykst á evrusvæðinu (16/4) Verðbólga á evrusvæðinu var 3,6% í mars og hefur hækkað um 0,3% síðan í febrúar. Samanborðið við sama tíma í fyrra var verðbólgan einungis 1,9%. Verðbólga hefur einnig hækkað innan Evrópusambandsins og var 3,8% í mars samanborði við 3,5% í febrúar. Á sama tíma í fyrra var verðbólgan 2,3% innan Evrópusambandsins. Lesið nánar hér.   Framkvæmdastjórnin kynnir einkunnarkerfi fyrir verknám (10/4) Framkvæmdastjórnin hefur sett á laggirnar sameiginlegt einkunnakerfi (ECVET) fyrir verkmenntun og verkþjálfun. Kerfið er samsvarandi sameiginlegu einkunnarkerfi fyrir háskóla (ECTS) og gerir nemendum í verknámi kleift að stunda hluta náms síns í öðru Evrópulandi og fá það metið inn í nám sitt í heimalandinu. Lesið nánar hér.   Tæplega 90 milljónir evra til Grikkja vegna skógarelda (8/4) Framkvæmdastjórnin áætlar að veita Grikkjum aðstoð úr samstöðusjóði ESB sem nemur tæplega 90 milljónum evra. Aðstoðin er ætluð til uppbyggingar eftir þá miklu skógarelda sem geisuðu í Grikklandi síðastliðið sumar. Eldarnir náðu til stórs hluta Grikklands og hafði það mikil áhrif á efnahag landsins og umhverfi. Samstöðusjóðurinn var stofnaður 2002 og er ætlaður til þess að aðstoða aðildarríki eftir náttúruhamfarir. Lesið nánar hér. ESB styrkir tengsl sín við nágrannaríki (3/4) Undanfarin ár hefur Evrópusambandið unnið að því að styrkja tengsl sín við nágrannarríki og aðstoðað þau við styrkja lýðræði og efnahagsbreytingar. Er þetta gert í gegnum evrópsku nágrannastefnuna (ENP). Stefnan byggir á því að styrkja innviði landanna í kringum ESB og færa þau nær sambandinu. Hvert og eitt ríki mótar sitt sérstaka samband við ESB. Benita Ferrero-Waldner sem fer með utanríkismál í framkvæmdastjórn ESB segir miklar framfarir hafi orðið undanfarið ár. Lesið nánar hér. Stofnanir ESB verði gegnsæjari (16/4) Umboðsmaður Evrópusambandsins, P. Nikiforos Diamandouros, segir að stofnanir ESB verði að vera gegnsæjari. Í ný útkominni ársskýrslu umboðsmannsins fyrir árið 2007 kemur fram að aldrei hafi komið fleiri tilkynningar vegna skorts á gegnsæi í starfsemi stofnana ESB. Diamandouros segir að hann voni að tillaga framkvæmdastjórnarinnar um bætta löggjöf um aðgang almennings að upplýsingum muni auka gegnsæið. Lesið nánar hér. Velferðakerfi Evrópuríkja geta tekist á við hnattvæðingu (14/4) Margir Evrópubúar eru hræddir við hnattvæðinguna. Í rannsókn frá 2006 kemur fram að 47% Evrópubúa eru hræddir um að hnattvæðingin hafi í för með sér ógn við starfsöryggi þeirra. Í nýlegri könnun, sem framkvæmdastjórnin kynnti á föstudag, kemur þó fram að velferðakerfi Evrópuríkja séu stöðugri en áður og að hnattvæðingin muni ekki hafa afgerandi áhrif. Hins vegar kemur fram í könnuninni að nútímavæða þurfi velferðakerfi ríkjanna svo þau geti nýtt sem best jákvæð áhrif hnattvæðingar. Lesið nánar hér. 83 milljónir evra endurheimtar vegna sameiginlegu landbúnaðarstefnunnar (10/4) Framkvæmdastjórnin hefur afturkallað 83 milljónir evra af fjármagni til sameiginlegu landbúnaðarstefnunnar. Peningarnir eru endurheimtir frá þeim sem ekki hafa farið eftir reglum um útgjöld til landbúnaðarmála. Hvert aðildarríki greiðir út styrki í sínu landi og hefur eftirlit með útgjöldum á meðan framkvæmdastjórn ESB hefur eftirlit með að aðildarríkin deili út styrkjum á réttan hátt. Lesið nánar hér. Farsímanotkun leyfð í flugi (9/4) Framkvæmdastjórnin hefur sett reglur um farsímanotkun í flugi. Nú er leyfilegt að nota farsíma á flugi í Evrópu. Farþegar geta því hringt og tekið á móti símtölum meðan á flugi stendur. Áfram verður þó bannað að nota farsíma í flugtaki og lendingu. Farsímarnir munu tengjast sendi sem er um borð í flugvélinni og tengir sig um gervihnött. Flugstjórar geta aftengt búnaðinn þegar þeir telja farsímanotkun geta truflað vélbúnað vélarinnar. Lesið nánar hér. Aðildarríki ESB hvött til að auka framlög til þróunarmála (7/4) Framkvæmdastjórn ESB hefur hvatt aðildarríki ESB til að auka framlög sín til þróunaraðstoðar. Ákallið kemur í kjölfar nýlegrar skýrslu OECD sem sýnir að í fyrsta skipti frá árinu 2000 hafa framlög ESB ríkja, og reyndar helstu framlagslanda í heiminum, minnkað á milli ára. ESB og aðildarríki þess eru stærstu veitendur þróunaraðstoðar í heiminum. Lesið nánar hér.

Áhugaverðar útgáfur Smelltu hér til að finna bæklinga og annað upplýsingaefni um ESB

Fastanefnd framkvæmdastjórnar Evrópusambandsins, Klingenberggatan 7A, 5. hæð, 0161 Osló, Noregi. Grænt númer: 800 8116. Sími: (+47) 22 83 35 83. Bréfsími: (+47) 22 83 40 55.  Tölvupóstur: europakommisjonen@ec.europa.eu www.esb.is