Fréttabréf

fastanefndar framkvæmdastjórnar ESB gagnvart Íslandi og Noregi,

  16. október 2008

Sendiherrann bloggar - ný bloggfærsla um fjármálakreppuna á Íslandi (16/10)
Percy Westerlund, sendiherra fastanefndarinnar hefur sent frá sér áhugaverða bloggfærslu, þar sem hann fjallar m.a. um Ísland og ástandið á fjármálamörkuðunum. Lesið meira hér.

Aukin trygging á bankainnistæðum (15/10)
ESB ákvað þann 7. október síðastliðinn að vernda sparifjáreigendur enn frekar með breyttum reglum og hertara eftirliti með tryggingum á innlánsreikningum. Lesið meira hér.

Aukin gæði í landbúnaðarframleiðslu (15/10)
Á dögunum lagði framkvæmdastjórnin fram svokallaða grænbók um það hvernig hjálpa megi bændum að ná fram  betri gæðum í framleiðslu. Samkeppni eykst utanfrá og mikilvægt er að auka samkeppnishæfni evrópskrar matvælaframleiðslu með því að auka gæði. Vonast er til að tillögur grænbókarinnar skili sér inn í löggjöf ESB. Lesið meira hér.
 

Þróun nýrrar orku fyrir framtíðina (14/10)
Á dögunum kynnti framkvæmdastjórnin sérstaka áætlun sem snýr að þróun á efnarafölum og nýtingu vetnis sem  orkugjafa. Var þetta gert í samvinnu við helstu aðila í evrópskum iðnaði. Áætlunin er liður í aðgerðum ESB gegn loftslagsbreytingum. Lesið meira hér.

 

Hávær tónlist og heyrnarskaði (13/10)
Vísindamenn vara við því að hlustun á háværri tónlist í heyrnartólum geti leitt til varanlegs heyrnarskaða. Ástæða þess að ESB beinir sjónum sínum að þessu nú er að nýlega hefur það komið í ljós að 5-10% tónlistarunnenda eiga í hættu að hljóta slíkan heyrnarskaða. Framkvæmdastjórnin hyggst halda ráðstefnu snemma á næsta ári til að ræða frekari varúðarreglur. Lesið meira hér.

Skýrari lög um rafeyri (13/10)
Framkvæmdastjórnin hefur lagt fram tillögu sem miðar að því að umbreyta reglum sem í gildi eru um rafeyri (e. electronic money). Tillagan kemur í kjölfarið á ítarlegri skoðun á núgildandi reglum en ýmsu hefur þótt ábótavant í þeim reglum. Lesið meira hér.

Ný tilskipun um réttindi neytenda (9/10)
Framkvæmdastjórnin hefur lagt fram nýja tilskipun um réttindi neytenda sem sameinar fjórar eldri tilskipanir á þessu sviði. Vonast er til að tilskipunin stuðli að því að bæta enn frekar  regluverk ESB á sviði netverslunar og neytendaverndar, til dæmis hvað varðar skilarétt, endurgreiðslu og verðupplýsingar. Lögð er áhersla á að upplýsingar um réttindi neytanda liggi fyrir þegar kaup eru gerð. Lesið meira hér.

Sveitarfélög og þróunaraðstoð (9/10)
Í tilefni evrópsku þróunardaganna sem haldnir verða í nóvember næstkomandi kallar framkvæmdastjórnin eftir aukinni þátttöku sveitarfélaga í þróunaraðstoð. Sífellt fleiri sveitarfélög fjármagna nú þegar eigin þróunarverkefni en í orðsendingu framkvæmdastjórnarinnar kemur fram að stefnt sé að auka enn frekar vægi staðbundinna stjórnvalda í mótun þróunarstefnu ESB. Lesið meira hér.

Aukinn réttur kvenna til fæðingarorlofs (6/10)
Milljónir kvenna um alla Evrópu munu fá lengra fæðingarorlof samkvæmt nýrri tillögu frá framkvæmdastjórninni. Tilgangurinn er meðal annars að hjálpa konum að ná jafnvægi á milli vinnu og fjölskyldulífs og auka þátttöku kvenna á vinnumarkaðnum. Lesið meira hér.

Hvert fara peningar ESB?(3/10)
Nýlega hleypti framkvæmdastjórnin af stokkunum vefsíðu sem veitir öllum sem áhuga hafa, aðgang að upplýsingum um styrkveitingar, samninga og annan fjárhagslegan stuðning. Þetta er liður í að auka enn frekar gegnsæi í ESB. Lesið meira hér.

Áhugaverðar útgáfur

Smelltu hér til að finna bæklinga og annað upplýsingaefni um ESB

 

Til að hætta í áskrift að fréttabréfinu smelltu hér

www.esb.is